En in luvratori cauld ed emperneivel entaglia gl’artist Fernando Jacomet da Sedrun mintga damaun vid in bloc da lenn. Entochen ch’ina sculptura semuossa vargan dis ed jamnas. La carezia per la natira croda en egl tier mintga figura e lai surstar e selegrar igl observatur.
Fernando e Catrina ein sedicidi d’exponer las figuras da lenn duront las vacanzas da stad. Grond engraziament per lur confidonza.
All’avertura ein els presents e Fernando vegn a fascinar nus tuts cun sia historia.
Avertura:
Sonda ils 5 da fenadur giusut la plazza da giugs a Rueras envida l’uniun NEATural in e scadin da prender part alla sentupada e da far in viva ensemen cun nus. Las figuras restan exponidas entochen ils 17 d’uost.
Cun in pass san tut ils affons encurir las figuras. El ei da retrer tier il biro da turrissem Sedrun/Mustér. Il pass emplenius ora sas ti returnar leu e per mintgin dat ei ina pintga surpresa.
