La Via d'aventura NEAT ei adattada per famiglias, gruppas, uniuns e firmas, persunas interessadas per la viafier, viadis da scola e tut las scuvridras e tut ils scuvriders restai giuvens da spért.

Temps d'avertura

Stad (matg tochen october)
Duront ils meins da stad ein omisdus girs accessibels e tut las 12 staziuns ein aviartas.
Unviern (december tochen Pastgas)
Igl unviern ein 7 dallas total 12 staziuns accessiblas. Aviartas ein las staziuns 2 tochen 4 ed A tochen D.

Entrada

La viseta dalla Via d'aventura NEAT ei gratuita. Alla staziun 1 stat a disposiziun ina cullinera. Las cullinas da lenn cuostan mintgamai 2 francs. Gruppas naven da 10 persunas basegnan in’annunzia per Email.

Partenza

Las staziuns ein numeradas successivamein. Ins sto denton buca visitar ellas en quella successiun. Ins sa entscheiver il gir tier tut las staziuns ed ir en mintga direcziun.

  • null
    Ovra centenara
  • null
    Crappa, itschal e zonas da disturbi
  • null
    Tecnologia d'emprema qualitad el cuolm
  • null
    Il tunnel dils superlativs
  • null
    Tgi ha construiu il tunnel?
  • null
    Il mintgadi el cuolm
  • null
    Sedrun semida
  • null
    Novas cuntradas
  • null
    La patruna dils miners
  • null
    Scuvretgas fascinontas
  • null
    Regurdientschas
  • null
    Flora e fauna multifara

Accessibladad senza barrieras

La via circulara vest cun las staziuns 1 tochen 6 ei accessibla cun sutgas cun rodas e cun carrotschas d'affons. La via circulara ost ei mo per part accessibla senza barrieras.

Viadi

Mieds da transport publics
Naven dallas staziuns da Sedrun e Rueras contonschan ins la Via d'aventura NEAT bein e senza problems a pei.

staziun Rueras – staziun 1:

20 minutas

staziun Sedrun – Zarcuns–(Axpo) staziun 3:

30 minutas

staziun Sedrun – bogn cuvretg – staziun D:

25 minutas

staziun Bugnei – staziun D:

30 minutas

VFF

BUS TUATSCHIN (Ortsbus)

Auto
Turitg – Cuera – Sedrun ni Lucerna – Andermatt – Sedrun
ni
Bellinzona – Lucmagn – Sedrun

Igl unviern eis ei mo pusseivel da far il viadi cun auto sur Cuera ni via il transport d'autos sur igl Alpsu.

La purschida da parcadis al liug ei limitada, perquei eis ei d'avantatg da vegnir cun ils mieds da transport publics.