Cun la medema persistenza e resolutadad sco quei che las maschinas han giu da cavar la ruosna el grep sut Sedrun ha l'inizianta Gelgia Deplaz persequitau l'idea da crear ina plazza ni ina via che tracta il tunnel da basa dil Gottard. Cun differentas iniziativas ha ella igl emprem murdiu sin granit tier la cumissiun «NEAT Tujetsch». A caschun dalla davosa sentupada dalla cumissiun «Tujetsch, cantun GR, AlpTransit Gottard» ha l'opposiziun entschiet a smular. La representanza digl Uffeci per la natira ed igl ambient ha mussau interess da sustener l'idea d'ina via tematica ni enzatgei semegliont el sectur dalla gallaria d'access. Encuraschaus da quei fatg han ins inoltrau igl october 2017 la moziun «Via tematica NEAT». In meins pli tard ha la vischnaunca da Tujetsch approbau in credit da budget da 7'500 francs per elaborar in concept. Il crap da fundament per la Via tematica NEAT era tschentaus.
L'entschatta / l'idea
Las commembras ed ils commembers dalla cumissiun
Il december 2017 ha il cussegl da vischnaunca da Tujetsch eligiu las suandontas commembras ed ils suandonts commembers ella cumissiun:
Gelgia Deplaz
inizianta, anteriura commembra dil cussegl da vischnaunca communala, mussadra
Placi Berther
anteriur president communal naven da 1993 – 2005
Priska Berther
interprendidra aurira GmbH
Peter Koemeter
commember dil cussegl d'administraziun Früh Verpackungstechnik AG
Ervin Monn
cussegliader independent per igl ambient
La cummissiun ei vegnida sligiada si e Uuniun purtadra NEATural ei vegnida fundada entras ils 5 commembers ils 1 da fenadur 2019. En quella constellaziun ei la Via d’aventura NEAT vegnida realisadada entochen l’avertura dils 23 d’october 2021.
Dapi la 4. Radunonza ordinaria dils 22 d’avrel 2022 ei la suprastonza seconstituida da niev.
Gelgia Deplaz
presidenta
Peter Koemeter
actuar
Pius Cavegn
consuprastont